Novak Djokovıchtiń áıeli men balalary da indetke test tapsyrdy. Nátıjesinde áıelinen vırýs shyqqan. Al balalarynyń juqtyrmaǵany anyqtaldy.
"Biz týrnırdi vırýstiń taraý deńgeıi tómengende uıymdastyrǵan edik. Týrnır oıdaǵydaı ótedi dep sendik. О́kinishke qaraı, týrnırge qatysqan birshama tennısshi vırýs juqtyryp aldy. Árıne, bul jaǵdaıǵa ókinemin. Degenmen de vırýs eshkimniń densaýlyǵyna qatty áser etpeıdi dep senemin. Men 14 kúnge oqshaýlanamyn. Taǵy bes kúnnen keıin testti qaıta tapsyramyn" , dedi Djokovıch.
Aıta keteıik, Djokovıch pen onyń komandasy uıymdastyrǵan Adria Tour týrnıri barysynda bolgarııalyq tennısshi Grıgor Dımıtrov, horvat Borna Chorıch, sebr Vıktor Troıskı, Djokovıchtiń jattyqtyrýshysy jáne bes jasar jankúıer vırýs juqtyryp alǵan edi. Soǵan baılanysty da Horvatııanyń Zadar qalasynda týrnırdiń fınaldyq kezdesýi ótpeıtin boldy.
